Turist avtobusu 3 nəqliyyat vasitəsi ilə toqquşdu: azı 5 ölü, 60 yaralı - FOTO

ABŞ-da turist avtobusunun, iki yük maşınının və bir minik avtomobilinin iştirakı ilə baş verən yol qəzasında azı 5 nəfər ölüb, daha 60 nəfər xəsarət alıb. Avtosfer.az xəbər verir ki, insident yanvarın 5-də Pensilvaniya ştatında qeydə alınıb. Bu barədə “Associated Press” agentliyi məlumat yayıb.

Bildirilir ki, toqquşma nəticəsində avtobus aşıb.

Hazırda tras hər iki istiqamətdə bağlanıb.

Polis hadisənin baş vermə səbəblərini araşdırır.

Namiq Musayev