Turist avtobusu yük maşını ilə toqquşdu: 6 ölü, 24 yaralı - FOTO

Misirdə turistlərin olduğu avtobusun və yük maşınının iştirakı ilə ağır yol qəzası baş verib. Avtosfer.az xəbər verir ki, insident dekabrın 28-də Soxna – Əl-Zafaran avtomagistralının 86-cı kilometrliyində qeydə alınıb. Bu barədə “Elbalad” portalı məlumat yayıb.

Portalın məlumatına görə, toqquşma nəticəsində 6 nəfər ölüb, daha 24 nəfər isə xəsarət alıb. Dünyasını dəyişənlərdən 3-ü, yaralılardan isə 20-si xarici vətəndaşdır. Yaralılar, hadisə yerinə çağırılan ambulanslarla yaxınlıqdakı xəstəxanalara çatdırılıblar.

Turistlərin Hindistandan, Malayziyadan və Çindən olduqları bildirilir.

Qeyd edilir ki, qəza yük maşınının təkərinin partlaması səbəbindən baş verib.

Hüquq-mühafizə orqanları tərəfindən araşdırmalara başlanılıb.

Namiq Musayev