Türkiyədə iki avtomobil toqquşdu: Altı yaralı

Türkiyənin Karaman şəhərində yol-nəqliyyat hadisəsi baş verib.

Avtosfer.az HaberGlobal-a istinadla xəbər verir ki, qəza nəticəsində ikisi uşaq olmaqla 6 nəfər yaralanıb.

Qəza Karaman-Ereğli yolunun 13-cü kilometrliyində baş verib. Nəzarətsiz yolayrıcında dönüşü edən avtomobilə arxadan gələn digər minik avtomobili çırpılıb.

Toqquşmanın təsirindən avtomobillərdən biri ciddi zədələnib, digəri isə yol nişanlarını aşıraraq yolun ayırıcı hissəsinə düşüb.

Qəza nəticəsində sürücülərdən birinin ayağı diz nahiyəsindən amputasiya olunub. Digər avtomobilin sürücüsü və avtomobildə olan dörd nəfər də xəsarət alıb.

Yaralılar xəstəxanaya çatdırılıb. Ayağından ağır xəsarət alan sürücünün vəziyyətinin kritik olduğu bildirilir.

Qəza ilə bağlı araşdırma aparılır.

Nigar