“Wolkswagen” “Nissan”la toqquşdu: 11 ölü, 7 yaralı

Meksikada mikroavtobusun və minik avtomobilinin iştirakı ilə ağır yol qəzası baş verib. Avtosfer.az xəbər verir ki, insident dekabrın 30-da gecə saatlarında Çiapas ştatının ödənişli Okosokoautla – Arriaqa avtomagistralının 36-cı kilometrliyində qeydə alınıb.

Məlumata görə, “Wolkswagen Jetta” markalı minik avtomobili, turistlərin olduğu “Nissan Urvan” markalı mikroavtobusla toqquşub.

Nəticədə 2-si uşaq olmaqla 11 nəfər vəfat edib, daha 7 nəfər isə xəsarət alıb. Yaralılar, hadisə yerinə çağırılan ambulanslarla yaxınlıqdakı xəstəxanaya çatdırılıblar.

Hüquq-mühafizə orqanları tərəfindən təhqiqatlara başlanılıb.

Namiq Musayev