Yeniyetmə və gəncin öldüyü qəzada - Hökm oxundu

Biri yeniyetmə olmaqla iki nəfərin ölümü ilə nəticələnən yol qəzası ilə bağlı hökm oxunub.
Avtosfer.az qafqazinfo-ya istinadən xəbər verir ki, qəzaya səbəb olan avtomobilin sürücüsü 26 yaşlı Orxan Əliyev məhkəmə zalında həbs edilib.
Orxan ötən ilin noyabrında Qaradağ rayonunun Ələt qəsəbəsində idarə etdiyi “Hundai Santa Fe” markalı avtomobillə hərəkətdə olarkən yolu keçən 17 yaşlı yeniyetməni vurub. Zərbənin təsirindən avtomobil yoldan çıxaraq kənar maneəyə çırpılıb. Nəticədə avtomobildə olan 23 yaşlı sərnişin də ağır xəsarət alıb. Hər iki şəxsin həyatını xilas etmək mümkün olmayıb.
Sürücü cinayət məsuliyyətinə cəlb edilsə də, məhkəmə istintaqının sonuna kimi azadlıqda olub. Onun barəsində həbslə bağlı olmayan qətimkan tədbiri seçilib.
Vəfat edən yeniyetmənin atası təqsirləndirilən sürücü ilə barışsa da, avtomobildə həyatını itirən sərnişinin hüquqi varisi ondan şikayətçi olub. Sərnişinin qardaşı O. Əliyevdən 10 min manat təzminat tələb edib. Lakin o bu məbləği ödəyə bilmədiyini, imkanına uyğun yardım təklif etdiyini bildirib. Buna baxmayaraq, tərəflər razılığa gələ bilməyiblər.
Məhkəmə Orxanı təqsirli bilib və ona 5 il 6 ay azadlıqdan məhrumetmə cəzası verilib. O, elə iclas zalında həbs edilib.
Gəncədə avtobus öncə “KIA” ilə toqquşdu, sonra ağaca çırpıldı - VİDEO
Yevlaxda ağır qəzada iki nəfər öldü - FOTO
100 nömrəli avtobus yolayrıcında qəza TÖRƏTDİ - VİDEO
“20 Yanvar”da qəza - Motosikletçi öldü - FOTO
Azərbaycanda yol qəzalarında 500 nəfər ölüb
Siyəzəndə maşın "KamAZ"la toqquşdu - Ölən var
Xaçmazda AĞIR QƏZA: Ölən və yaralılar var
Bakıda turistləri daşıyan avtobus qəzaya düşdü: Yaralanan var
“BMW” “Qazel”ə çırpıldı, hər iki sürücü yaralandı - VİDEO
Vətən müharibəsi iştirakçısı faciəvi şəkildə dünyasını dəyişdi - FOTO
Qəbir ziyarətinə gedənlər qəzaya düşdülər - VİDEO - YENİLƏNİB












