Yevlaxda iki maşın toqquşdu, yaralılar var

Yevlaxda "VAZ 2107" və "Opel" markalı minik avtomobilləri toqquşub, iki nəfər xəsarət alıb.

Hadisə Səmədabad kəndində baş verib.

Belə ki, "Opel" markalı avtomobil hərəkətdə olarkən digər istiqamətdə hərəkətdə olan "VAZ-2107" markalı minik avtomobili ilə toqquşub.

Nəticədə "VAZ 2107"də olan iki nəfər, Yevlax rayon sakinləri 1956-cı il təvəllüdlü Məmmədov Rafiq və 1984-cü il təvəllüdlü Mikayılov İlkin müxtəlif dərəcəli bədən xəsarətləri alıblar.

Yaralılar hadisə yerinə cəlb olunan təcili tibbi yardım birqadasının köməkliyi ilə rayon mərkəzi xəstəxanasına yerləşdiriliblər.

Faktla bağlı araşdırma aparılır.