"WhatsApp"da nömrəsiz mesajı belə göndərmək olar

"WhatsApp" istifadəçilərin uzun müddətdir gözlədiyi yeni funksiyanı təqdim etməyə hazırlaşır. Avtosfer.az Sfera.az-a istinadən xəbər verir ki, dünyada ən populyar mesajlaşma tətbiqlərindən biri olan WhatsApp gizliliyi artıracaq “istifadəçi adı (username)” sistemini tətbiq etməyi planlaşdırır. Yenilik sayəsində istifadəçilər artıq tanımadıqları şəxslərlə və ya biznes hesabları ilə əlaqə saxlayarkən telefon nömrələrini gizli saxlaya biləcəklər. Məlumata görə, yeni sistemdə hər bir istifadəçi unikal istifadəçi adı vasitəsilə tapılacaq və mesajlaşma da bu ad üzərindən həyata keçiriləcək. Bu isə xüsusilə iş elanları, alış-veriş qrupları və açıq ünsiyyət platformalarında şəxsi nömrələrin qorunmasına imkan yaradacaq.