Avtomobillərə də "qara" qutu gəldi - Sürət rejimi və sürücünün bəzi hərəkətləri izlənəcək

Avropada bu gündən istehsal edilən yeni model avtomobillərin “qara qutu” ilə təchiz edilməsi məcburi xarakter daşıyır. 2024-cü ildə isə bu avadanlıq bütün avtomobillərə məcburi olacaq.
Avtosfer.az Belçikanın Vias İnstitutuna istinadla xəbər verir ki, yeni avadanlıq sayəsində məhkəmələr qəza barədə kifayət qədər məlumat ala biləcək. Avadanlıq avtomobilin sürət rejimi və sürücünün bəzi hərəkətləri – manevr, tormozlama və s. haqda məlumatları qeyd edəcək. Təyyarədəki qara qutudan fərqli olaraq burada səs yazılmayacaq. 
Bu gündən etibarən Avropada yeni istehsal olunan avtomobillərdə ağıllı sürət yardımı (ISA) sistemi də tətbiq edilir. Bu sistem konkret zonada sürət limitini müəyyən edərək sürücünün iradəsindən asılı olmayaraq avtomobili yavaşıdacaq. Sürücülər sistemi söndürə bilər, lakin hər dəfə mühərrik təkrar işə salınanda sistem avtomatik qoşulacaq. 
Qeyd edək ki, belə bir sistem ABŞ-da 2012-ci ildən tətbiq edilir və qəzaların sayının ciddi şəkildə azalmasına səbəb olub. Sürücülər əməlləri üzə çıxacaq deyə qayda pozmurlar.

Vüqar