Elektromobillər parkinqlər üçün risk mənbəyi kimi

Elektromobillər ekoloji cəhətdən təmiz və səssiz olsalar da, problemsiz ötüşmür. 

Avtosfer.az xəbər verir ki, Britaniya parkinqlər Assosiasiyası elektromobillərin artması ilə bağlı həyəcan təbili çalıb. Bəs məsələnin mahiyyəti nədən ibarətdir?

Elektromobillər ənənəvi avtomobillərdən daha ağır olduğu üçün onlar çoxyaruslu parkinqlər üçün problem yaradırlar. Elektromobillərin çoxalması ilə 1 avtomobilin orta kütləsi 1500 kq-dan 2000 kq-a çatacaq. Bu da tikililərin divarlarına əlavə yük salır. Doğrudur, parkinqlərdə bir qayda olaraq 100% doluluq müşahidə olunmur. Lakin 70% doluluq da artıq köhnə parkinqlər üçün risk faktorudur. Krallıqda əksər parklama yerləri 70-ci illərdə tikilib və müasir standartlara uyğun deyil. əlavə olaraq doldurma avadanlıqlarının qurulması həm binanı, həm də şəbəkəni yükləyəcək.
Hələlik ciddi insident qeydə alınmasa da, elektromobillərin kütləviləşəcəyi təqdirdə problemlər ortaya çıxa bilər.

Vüqar