“Mercedes” yeni konsepsiyasını elan etdi - Yalnız elektromobil istehsal edəcək

“Mercedes” şirkəti 2030-cu ildən etibarən Avropada yalnız elektromobil istehsal edəcək. Avtosfer.az automobile-propre.com saytına istinadla bildirir ki, Avropadakı zavodların yeni sistemə keçirilməsinin planlı hazırdır.
2030-dan etibarən istehsal ediləcək elektromobillər 3 kateqoriyaya ayrılacaq. “Entry Luxury2 kateqoriyasına ən kiçik modellər (A və B sinifləri) daxil olacaq. C, D və E sinfinə aid modellər “Core Luxury” kateqoriyasına aid ediləcək. Daha yuxarı seqmenin avtomobilləri isə “Top End Luxury” hesab ediləcək. 
“Top End Luxury” kateqoriyalı avtomobillərin istehsal ediləcəyi yer artıq məlumdur. Bu modellər Zindelfingen şəhərində hazırda AMG platformalı avtomobillərin istehsal edildiyi müəssisədə həyata vəsiqə alacaq. 

“Core Luxury” kateqoriyasına aid modellərin istehsal yeri Bremen olacaq.  
A və B sinifləri isə Raştattda yığılacaq. 

Bundan əlavə, Macarıstanın Keçkemet şəhərindəki zavod da prosesə cəlb ediləcək. Elektrik mühərrikləri Almaniyada istehsal ediləcək.
Ümumilikdə istehsal prosesi 3 qitədə və azı 5 ölkədə reallaşacaq: ABŞ, Polşa, Almaniya, Çin, Tailand.

Vüqar