Afra Saraçoğlu SƏRBƏST BURAXILDI

Fransadan qayıdarkən İstanbul Hava Limanında saxlanılan türkiyəli aktrisa Afra Saraçoğlu sərbəst buraxılıb.

Avtosfer.az Türkiyə mətbuatına istinadən xəbər verir ki, aktrisa Bakırköy Baş Prokurorluğunun apardığı narkotik istintaqı çərçivəsində saxlanılmışdı.

Saraçoğlu əvvəlcə Şişli Hamidiyə Etfal Tədris və Araşdırma Xəstəxanasında tibbi müayinədən keçirilib. Daha sonra Məhkəmə Tibb Qurumunda və prokurorluqda müvafiq prosedurlar tamamlandıqdan sonra sərbəst buraxılıb.

Aktrisanın menecer şirkəti məsələ ilə bağlı açıqlama yayıb:

“Afra Saraçoğlu xarici səfərini başa vuraraq hüquq-mühafizə orqanlarına müraciət edib. Məhkəmə Tibb Qurumunda və prokurorluqda müvafiq prosedurların tamamlanmasının ardından sərbəst buraxılıb”.

***21 sentyabr, 16:53
Türkiyədə məşhur şəxslərə qarşı aparılan narkotik araşdırması çərçivəsində aktrisa Afra Saraçoğlu saxlanılıb.

Avtosfer.az Türkiyə mətbuatına istinadən xəbər verir ki, Saraçoğlu Fransadan qayıdarkən aeroportda saxlanılıb.

Qeyd edək ki, daha əvvəl barəsində saxlanılma qərarı verilən Afra sosial media hesabında açıqlama verərək hazırda Türkiyədə olmadığını bildirmişdi.

Xatırladaq ki, Türkiyədə ötən ildən narkotiklə bağlı həyata keçirilən əməliyyat çərçivəsində bir çox məşhur simalar saxlanılıb və daha sonra sərbəst buraxılıb.