Avtosfer.az | Reklam
Bakı məktəbində qızları oğurlayan qadın peyda olub? - RƏSMİ AÇIQLAMA - FOTO
Gündəm 24 Yanvar 2020 09:45 Oxunub 617
Bakı məktəbində qızları oğurlayan qadın peyda olub?  - RƏSMİ AÇIQLAMA - FOTO
Polis araşdırmalara başlayıb

Bakı məktəbində uşaqları oğurlayan qadının peyda olması barədə iddialar var. Bununla bağlı iki valideynin whatsapp sosial şəbəkəsində səsi yayılıb. İddia olunur ki, paytaxtın İlqar Əliyev adına 96 saylı tam orta məktəbin həyətində, təxminən, 45-50 yaşlı qadın uşaqlara yaxınlaşıb, onları dilə tutaraq oğurlamaq istəyib. Bu zaman orada olan digər valideynlər qadına mane olublar.

Bildirilib ki, qadından başqa, məktəbin qarşısında avtomobildə bir neçə kişi də olub. Həmin şəxslərin qadınla əlbir olduqları iddia edilir.

Avtosfer.az xəbər verir ki, bununla bağlı Bakı Şəhər Baş Polis İdarəsinin (BŞBPİ) Mətbuat Xidmətinin rəisi, polis mayoru Elşad Hacıyev "Report"un sorğusuna cavab olaraq bildirib ki, sosial şəbəkələrdə yayılan məlumatlar nəzarətə götürülüb.

"Tərəfimizdən müvafiq araşdırmalar davam etdirilir”, - o deyib.

P.S. Qadının cinayət etdiyi təsdiqlənmədiyindən fotoda onun üzünü açıq göstərmirik.

Gültən Qədirli

 

ŞƏRH YAZ
Ad

E-mail

Şərh