Bakıda dəhşətli qəza: məktəbli oğlan öldü

Bakıda ağır yol nəqliyyat hadisəsi baş verib. Avtosfer.az-ın lent.az-a istinadən məlumatına görə, Suraxanı rayonu ərazisində, Hövsan-Türkan yolunda (ABU Petrolun qarşısı) 1988-ci il təvəllüdlü Fərhadov Nurlan Xeyrulla oğlu idarə etdiyi "Toyota" markalı avtomobillə 8-12 yaşlı oğlanı vurub. Sürətlə hərəkət edən avtomobil piyadanı 15-20 metri irəli atıb. Həmin şəxs hadisə yerindəcə keçinib. İlkin araşdırmalardan sonra avtomobilin vurub öldürdüyü uşağın 2006-cı il təvəllüdlü Ağayev Elman Süleyman oğlu olduğu müəyyən edilib. O, orta məktəb şagirdi imiş. Faktla bağlı Suraxanı RPİ-də cinayət işi açılıb, araşdırma aparılır.