Bakıda restoranın parkinqində insident: müştəri döyülüb, avtomobili əlindən alınıb

Bakıda məşhur restoranın parkinqində insident olub.

Avtosfer.az “Report”-a istinadən xəbər verir ki, hadisə Binəqədi rayonunda yerləşən “Cratos” restoranının yeraltı dayanacağında qeydə alınıb.

Məlumata görə, Y.Xəlilov adlı şəxs həmin restoranın parkinqində olan zaman borclu olduğu Rüfət adlı şəxs və yanındakı bir nəfər ona zor tətbiq edərək BMW markalı avtomobili əlindən alaraq qaçıblar.

Faktla bağlı araşdırma aparılır.

Gültən