Bakıda tıxaclara növbəti zərbə – VİDEO

İnşaatçılar prospektində yerləşən dairəyə (Dövlət Statistika Komitəsinin qarşısı) daxil olan nəqliyyat vasitələri nişanlanma xəttinin tələbini pozur ki, bu da ərazidə sıxlığın yaranmasına səbəb olur. Avtosfer.az xəbər verir ki, bu barədə Nəqliyyat Nazirliyi “Azəryolservis” ASC-dən oxu.az-a verilən məlumatda belə deyilir.

Məlumata görə, Naxçıvani küçəsindən hərəkət edən nəqliyyat vasitələri İnşaatçılar prospektindən gələn nəqliyyat vasitələrinə yol vermək əvəzinə birbaşa dairəyə daxil olduğu üçün ərazidə tıxac yaşanır.

Yaranmış vəziyyəti aradan qaldırmaq üçün Nəqliyyat Nazirliyi "Azəryolservis" yaxın günlərdə həmin ərazidə müvafiq tədbirlər görməyi planlaşdırır.