Bakıda yol polisinə qarşı - ŞOK İDDİA

Bakıda yol polisinin qanunsuz hərəkətləri ilə bağlı daha bir ağır iddia səslənib. Şəhər sakinlərindən biri amansızlıqla döyüldüyünü, döyənlərin isə yol polisi olduqlarını deyib. Dünən gecə saatlarında 26 yaşlı Orxan Qulam oğlu Bağırov tanınmaz halda xəstəxanaya çatdırılıb. 

Sifəti və döş qəfəsindən küt travmalar alan Orxan bu hala salınması barədə maraqlı açıqlama verib: "Məni Suraxanı rayonunda Dövlət Yol Polisi İdarəsinin əməkdaşları döyüblər”. 

Döyülmə faktını Suraxanı Rayon Polis İdarəsinin 32-ci polis bölməsi araşdırır. Avtosfer.az xəbər verir ki, bu barədə işi araşdıran təhqiqatçı Əli İsgəndərov milli.az-a bildirdi ki, hazırda həmin iş istintaqa verilib. Təhqiqatçı O.Bağırovun yol polisi tərəfindən döyülməsini təkzib etdi: “Mən bilmirəm, həmin adam niyə elə deyib, amma onu yol polisi döyməyib”.