Bakının bu yolundan keçməyin - FOTO

Bakının Ziya Bünyadov prospektini Azadlıq prospekti ilə birləşdirən 4 kilometrlik “Baksol” yolu kimi adlanan avtomobil yolunda tikinti işləri sürətlə davam etdirilir.

Avtosfer.az xəbər verir ki, bu barədə “Azəryolservis” ASC-nin mətbuat xidmətinin rəhbəri Anar Cəfərovun anspress-ə verdiyi məlumata görə, avtomobillərin hərəkətində sıxlıq yaranmasın deyə, işlərin bir çoxu gecə saatlarında görülür.

“Bir həftə öncə başlanan işlərə çirkli torpaqların təmizlənməsi, yol boyu yağış qəbuledicilərinin təmizlənməsi və 11,5 kilometr məsafədə köhnə asfalt-beton örtüyünün frez mexanizmi vasitəsilə çıxarılması işləri həyata keçirilir. Hazırda asfalt-beton örtüyünün döşənməsi işləri gedir”, - deyə Anar Nəcəfov vurğulayıb.

Qeyd edək ki, 4 kilometrlik yolun 2,5 kilometri Binəqədi, 1,5 kilometrlik hissəsi isə Nərimanov rayonunun ərazisinə düşür.