Bəzi rayonlara qar yağdı

“Azərbaycanda qeyri-sabit hava şəraiti aprelin 25-dək davam edəcək”. Bunu Lent.az-a açıqlamasında Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova bildirib. Onun sözlərinə görə, ayın 25-dən sonra havanın mülayimləşəcəyi gözlənilir: “Aprelin 25-dən sonra temperaturun artacağı, küləyin isə kəsəcəyi gözlənilir”.

Aprel ayı olmağına baxmayaraq, Azərbaycanın bəzi rayonlarına qar yağıb. Belə ki qarın hündürlüyü Xınalıqda 20 sm, Bostankeçdə 18 sm, Qusar rayonunun Ləzə stansiyasında 12 sm, Kuzunda 7 sm, Susayda isə 6 sm-dir.