Avtosfer.az | Reklam
“Buta Airways”in Lvov-Bakı reysi gecikib
Gündəm 20 Yanvar 2020 15:00 Oxunub 359
“Buta Airways”in Lvov-Bakı reysi gecikib
Anlaşılmazlıq aradan qaldırıldıqdan sonra təyyarə hava limanını tərk edib

“Azərbaycan Hava Yolları” QSC-nin aşağı büdcəli törəməsi – “Buta Airways” şirkətinin bu gün Ukraynanın Lvov şəhərindən Bakıya həyata keçirdiyi reys gecikmə ilə baş tutub. Avtosfer.az-ın “Report”a istinadən məlumatına görə, "Embraer-190" markalı sərnişin təyyarəsi havaya nəzərdə tutulandan 45 dəqiqə sonra qalxıb.

Buna səbəb aviareysə qeydiyyat zamanı texniki yanlışlığa yol verilməsi olub. Belə ki, sərnişinlərdən birinin əl yükü talonu səhvən başqa sərnişinin uçuş talonuna yapışdırılıb. Bunu üzə çıxarmaq üçün təyyarə bələdçiləri əvvəlcə pasportları, sonra isə uçuş talonlarını siyahı ilə üzləşdiriblər. Anlaşılmazlıq aradan qaldırıldıqdan sonra təyyarə hava limanını tərk edib.

Xatırladaq ki, “Buta Airways”in yanvarın 13-də Bakıdan Lvova həyata keçirdiyi reys də gecikmişdi. Amma həmin vaxt təyyarədə nasazlıq yaranmışdı və sərnişinlər bir neçə saatdan sonra digər təyyarə ilə yola salınmışdı.

ŞƏRH YAZ
Ad

E-mail

Şərh