Ceyhun Bayramov: “Xəzəryanı dövlətlər arasında qarşılıqlı fəaliyyət üçün hüquqi baza yaradılır”

“Xəzəryanı dövlətlər arasında qarşılıqlı fəaliyyət üçün hüquqi baza yaradılır”.

Avtosfer.az "Oxu.az"a istinadən xəbər verir ki, bunu Azərbaycanın xarici işlər naziri Ceyhun Bayramov Moskvada Xəzəryanı ölkələrin xarici işlər nazirlərinin görüşündə deyib.

“Əminəm ki, budəfəki görüşümüz Xəzərdə əməkdaşlığın səmərəliliyinin artırılmasına töhfə verəcək, dənizyanı dövlət başçılarının region ölkələrinin keçmiş sammitlərində qəbul edilmiş qərarlarının icrası ilə bağlı hərtərəfli fikir mübadiləsi aparmağa imkan verəcək və Xəzər mövzusu çərçivəsində bütün açıq məsələlər üzrə tərəflərin mövqelərini yaxınlaşdıracaq”, - o vurğulayıb.

Onun sözlərinə görə, bununla bağlı danışıqlar prosesinin əsas vəzifəsi Xəzər dənizində birbaşa təməl xətlərin yaradılması metodologiyasına dair saziş layihələrinin yüksəksəviyyəli işçi qrupu çərçivəsində razılaşdırılmasının tezliklə başa çatdırılmasıdır.