“Ermənistanın Naxçıvan-Türkiyə üzərindən Avropaya çıxmaq istəyi ABŞ-ın lahiyəsidir” – Politoloq

Ermənistanın xarici işlər naziri Ararat Mirzoyan İrəvanda keçirilən dənizə çıxışı olmayan ölkələrin nazirlərinin görüşündə bildirib ki, “Ermənistan Gümrü-Qars və Arazdəyən (Yerasx)-Naxçıvan dəmir yollarını bərpa etməyə hazırdır”.

Sizcə Ermənistan Azərbaycan ilə münasibətləri yaxşılaşdırmaq üçün niyə bu qədər can atır?

Bu mövzu haqqında politoloq Cümşüd Nuriyev Turkustan.az-ın sullarını cavablandırıb.

Politoloq bildirib ki, “Ararat Mirzoyanın firkində böyük bir həqiqət var. Bilirisiniz ki, Ermənistan hal-hazırda qapalı bir vəziyyətdədir. Bunu da yaxşı başa düşürlər ki, qarşıdan qış gəlir. Yuxarı Lars yolu bağlanandan sonra Rusiya-Ermənistana qarşı çox ciddi sanksiyalar həyata keçirə bilər və yaxud Ermənistanı məcbur edər ki, dövlət çevrilişi baş versin.

Mirzoyan da təbii ki bunu istəmir. Onların əsas məqsədi Gümrü-Qars, yəni Naxçıvan yolu ilə bərpa edib, Türkiyə üzərindən daha rahat Avropaya çıxış əldə etsinlər. Bu isə ABŞ-ın lahiyəsidir. Bu məsələlər Yunanıstan və Kipr səfərində də gündəmə gətirilmişdir. Ermənistan əgər bu il qışa qapalı şəraitdə girərsə Ermənistanda dövlət çevrilişi baş verə bilər.

Ona görə də, onlar çalışır ki, çox sürətlə Azərbaycan ilə münasibətləri yaxşılaşdırsınlar və sülh sazişini imzalasınlar”.