İşğaldan azad edilən rayonlara qanuni taksi və ya avtobus xətləri varmı? – ARAŞDIRMA VİDEO

Laçına, Zəngilana, Füzuliyə və digər işğaldan azad edilən rayonlara taksi xidməti ilə bağlı sosial şəbəkə elanlarına tez-tez rast gəlirik. Hətta, yaşadığın ünvandan birbaşa götürülmə də var, avtovağzal ətrafı yerlərdən çıxış da mümkündür.

Avtosfer.az Xezerxeber.az-a istinadən xəbər verir ki, qiymətlər isə gedəcəyin rayondan və ya yol şəraitindən asılı olaraq dəyişir.

Laçın istiqamətinə sərnişin daşıyan taksi sürücülərindən biri ilə əlaqə saxlanılıb.

Yerüstü Nəqliyyat Agentliyi isə yalnız qurumun tabeliyində olan marşrut xətləri ilə  bağlı açıqlama verib.

Nəqliyyat məsələləri üzrə ekspert Ərşad Hüseynov bildirib ki, hazırda işğaldan azad edilən bəzi rayonlara qanuni avtobus xəttinin və rəsmi taksi xidmətlərinin olmaması ciddi problemlər yaradır. Ağalı kəndi, Füzuli və Laçın şəhərləri, Zabux kəndi və  digər ərazilərdə daimi yaşayışın bərpa olunması məsələni daha da aktuallaşdırır. Ekspert lazımı icazələrin və qaydaların hələ ki müəyyən olunmadığını deyir.

Ərşad Hüseynov onu da bildirib ki, qanuni taksi fəaliyyəti və müntəzəm marşrut xətlərinin bərpa edilməməsi təhlükəsizlik problemləri və süni qiymət artımına səbəb ola bilər.

Mövzu ilə bağlı daha ətraflı videomaterialı təqdim edirik: