Məktəbli formasına riayət etməklə bağlı VİDEOÇARX

Məktəblilərin vahid geyim formasına riayət etməsini təşviq edən videoçarx hazırlanıb.

Avtosfer.az xəbər verir ki, videoçarxda məktəbli formasının əhəmiyyəti vurğulanıb, şagirdlərin təhsil müəssisələrində müəyyən edilmiş geyim qaydalarına əməl etməsinin vacibliyinə diqqət çəkilib.

Qeyd edək ki, Baş nazir Əli Əsədov məktəblilərin geyim formaları ilə bağlı qərara dəyişiklik edib. Dəyişikliyə əsasən, məktəbli formasının vahidliyini pozan və ümumi təhsilin dünyəvilik prinsipinə uyğun olmayan geyim elementlərindən istifadəyə yol verilməyəcək.

Milli-mənəvi dəyərlərlə bağlı tədbirlərdə isə Pedaqoji Şuranın qərarı ilə milli geyimlərdən və ya onların elementlərindən istifadə edilə bilər.

Valideynlərdən övladlarının müəyyən edilmiş geyim qaydalarına riayət etməsini təmin etmək tələb olunur.