Metroda qatarlar niyə yayda isti, qışda soyuq olur? - AÇIQLAMA

Son günlər Bakı Metropolitenindən istifadə edən sərnişinlər qatarların içərisinin soyuq olmasından şikayətlənirlər.
Müxtəlif vaxtlarda qatarlarda temperaturun nisbətən aşağı salınması barədə paylaşım edilsə də, vəziyyət dəyişməz olaraq qalıb.
Bəs “Bakı Metropoliteni” QSC bu məsələ ilə bağlı hansı tədbirləri görəcək? Qatarlar niyə yayda isti, qışda soyuq olur?
Mövzu ilə əlaqədar qurumun Mətbuat Xidmətinin rəisi Bəxtiyar Məmmədov oxu.az-a açıqlamasında bildirib ki, sistem öz-özünü avtomatik qaydada tənzimləyir:
“Bu, sadəcə, kondisioner deyil, mikroiqlim nəzarəti (rütubət, hərarət, tozluluq, hava çirkliliyi və s.) rejimidir. Maşinistin sistemi xüsusi qaydada qoşmaq-söndürmək səlahiyyəti yoxdur. Qatar depodan çıxanda bu sistem işə salınır və qatar depoya qayıdana qədər söndürülə bilməz. Sistem sərnişinin minimal həddindən maksimal tutum həddinə qədər hesablanıb. Qatara sərnişinlər daxil olduqca vəziyyətin dəyişdiyini özünüz də hiss edə bilərsiniz.
Həmçinin, bu sistemin söndürülməsi təlimatla olmalıdır. Əgər belə bir təlimat hazırlanarsa, daha çox sərnişin əziyyət çəkəcək. Çünki sistem bütün sərnişin salonunda mikroiqlimin, bəzən yayda hiss etdiyiniz kimi, bir neçə parametr üzrə tənzimlənməsini çatdırmayacaq. Qapılar açılıb-bağlandıqca, sərnişin minib-düşdükcə, sayı artıb-azaldıqca problemlər yaranacaq və narazılıq olacaq.
Hərarətə gəldikdə, salon müəyyən göstərici həddinə çatdıqda kondisionerin sürəti avtomatik sistemlə artıb-azalır. Yəni sistemin proqram təminatı ümumi temperatur rejimini uyğunlaşdırır”.
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












