Paytaxtda obyektə görə binanın önündəki yaşıllıq ləğv edildi - FOTO

Paytaxtda xüsusən də bina evlərinin önündə ağaclar, güllər və.s əkilən yaşıllıq səhələri var. Lakin bəzən binaların birinci mərtəbəsindəki mənzillər qeyri-yaşayış sahəsinə çevrilərkən bu sahələrdəki yaşıllıq ləğv olunur, onun yerini daş-beton örtük tutur.

Avtosfer.az xəbər verir ki, "Azadlıq prospekti" metrostansiyasının yanında yerləşən binalardan birinin önündə də belə vəziyyət yaranıb.

Sakinlərdən biri deyir ki, binanın birinci mərtəbəsində yeni açılan obyektdə təmir gedən zaman yaşıllıq sahənin şəklini çəkib. Lakin bu gün görüb ki, yeni əkilmiş küknar və zeytun ağacları olan yaşıl sahə ləğv olunub. Sakinin çəkdiyi fotolarda da aydın şəkildə əks olunub ki, sahə ləğv edilərək, yerini betonlayıblar.

Ümid edirik ki, məsələ ilə bağlı yaxın zamanda müvafiq qurumlar tədbir görəcək.  

Məhəbbət Tərlanoğlu