Qərar verildi: Sürücülərə şad xəbər - VİDEO

İdman arenaları ərazisində yaşayanlara parkinq icazəsi veriləcək. Avtosfer.az anstv-yə istinadən xəbər verir ki, Avropa Oyunlarının keçiriləcəyi idman arenaları ətrafında nəzarət zonaları yaradılıb və xüsusi nişanlarla qeyd olunub. Xüsusi işarələnmiş həmin ərazilərdə yaşayan və avtomobili olan sakinlərə parkinq icazəsi veriləcək. İş yerləri oyunların keçirİləcəyi ərazilərdə olanlar isə ictimai nəqliyyatdan istifadə etməli olacaqlar.

Bakı şəhər icra hakimiyyətinin şəhər təsərrüfatının müdiri Xalid Ələkbərov deyir ki, bunun üçün vətəndaşlar şəxsiyyət vəsiqəsi, yaşadığı ünvanı təsdiq edən sənəd və maşının texniki posportunun sürəti ilə Mənzil İstismar Sahələrinə müraciət edərək icazə kağızını ala bilərlər. 

İcazə kağızı mayın 15-dən sonra əhaliyə paylanılacaq.