Səkidə yuyulan avtomobillər, yolsuz qalan piyadalar… - VİDEO

Paytaxtın Xudu Məmmədov küçəsi, Həzi Aslanov metrosunun yaxınlığındakı avtomobil yuma məntəqələri piyadalar üçün təhlükə yaradır.

Avtosfer.az-a izləyicilərimizdən birinin göndərdiyi videolardan aydın görünür ki, avtoyuma məntəqələrində yuyulan avtomobillər səkiləri zəbt edir. Görüntülərdə bir neçə avtoyuma məntəqəsinin önündə parklanan, yuyulmuş və yuyulan avtomobillər piyadaların yolunu bağladığı əks olunub. Həmçinin ordan keçənlər avtomobillərin yuyulması zamanı üzərinə kirli su sıçanmamsı üçün yenə avtomobil yoluna çıxırlar. Bu hal piyadaların həyatları üçün təhlükə mənbəyidir. Belə ki, piayadalar hərəkət zolağında keçməli olur. “Moyka”lar səkidən kənarda olmalıdır ki, qeyd edilən təhlükəli vəziyyət yaranmasın.

Güman edirik ki, yaxın zamanda bu barədə ciddi tədbir görüləcək.

Məhəbbət Tərlanoğlu