Sənubər Nəzərova: “Bu il ADY rekord həddə sərnişin daşıyıb”

Bu il “Azərbaycan Dəmir Yolları” (ADY) QSC rekord həddə sərnişin daşıyıb.
Bunu “Report”a açıqlamasında ADY-nin Mətbuat Katibliyi şöbəsinin müdiri Sənubər Nəzərova bildirib.
Onun sözlərinə görə, cari ilin oktyabr ayından etibarən Abşeron dairəvi marşrutu üzrə günlük sərnişindaşıma 30 mini ötüb: “Təhlükəsizlik amili ADY-nin dəyərlər sistemində ən başda yer tutur. Bizim üçün sərnişinlərin mənzil başına təhlükəsiz çatdırılması ən ümdə məsələdir. Gündəlik daşınan sərnişinlərin sayının kəskin artması onun göstəricisidir ki, insanlar getdikcə ekoloji təmiz və təhlükəsiz qatarlarla səfər etmək üçün ADY-nin sərnişindaşıma xidmətinə üstünlük verirlər”.
S.Nəzərova qeyd edib ki, məhz bunun nəticəsində Səhmdar Cəmiyyət bu ay 7 milyonuncu sərnişini daşımağa çox yaxınlaşıb: “Bu günlərdə həmin xöşbəxt sərnişin haqqında ictimaiyyətə məlumat veriləcək. Ümumilikdə 7 milyon sərnişini daşımaqla biz pandemiyadan əvvəlki statisktikanı da bir neçə dəfə üstəliyirik. Nəzərə alsaq ki, pandemiyadan əvvəl beynəlxalq və bölgələrə sərnişindaşımalar həyata keçirilirdisə bu gün biz Abşeron dairəvi, Bakı-Ağstafa-Bakı və Bakı-Qəbələ-Bakı marşrutları üzrə sərnişindaşımalarla əvvəlki illərin göstəricilərini xeyli geridə qoyuruq”.
ADY sözçüsü qeyd edib ki, 2023-cü ildə təmsil etdiyi qurum bir sıra yeniliklərə imza atıb: “Başa vurmaqda olduğumuz 2023-cü il ADY üçün olduqca əlamətdardır. Bu il sərnişinlərimiz üçün bir sıra yeniliklərlə yadda qalıb. Belə ki, xidmət keyfiyyətinin yüksəldilməsi üçün mütəmadi olaraq bələdçilərimiz üçün təlimlər təşkil olunur. Cəmiyyətin həssas qrupları ilə qatarlarda davranış qaydaları çərçivəsində qatar personalına təlimlər keçirilir. Qatarlarda biznes və birinici sinif sərnişinlər üçün keytrinq, o cümlədən standart sinif üçün səyyar satış xidmətləri təşkil olunur”.
S. Nəzərova həmçinin qeyd edib ki, müstəqil şirkət tərəfindən sərnişinlər arasında vaxtaşırı sorğu keçirilir və sərnişinlərin rəy və təklifləri şəffaf qaydada bizə təqdim olunur: “Bakı, Gəncə və Qəbələ vağzallarında VİP gözləmə zalları fəaliyyət göstərməyə başlayıb. Bu il Novruz bayramı ərəfəsi Bakı-Gəncə marşrutu Ağstafaya qədər uzadılıb, həmin marşrut üzrə Qovlar və Dəllər stansiyalarında sürətli qatarların dayanması üçün dayanacaq verilib”.
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI











