Teymur Həsənov: “Regional hava limanlarında xarici aviaşirkətlərin bazalaşması real perspektivdir”

“Biz tərəfdaşlarımızın ehtiyac və gözləntilərinin təmin edilməsinə xüsusi diqqət yetirərək, nəinki keyfiyyətli yerüstü xidmət və rahatlıq, həm də əməkdaşlıq məsələlərində çeviklik təqdim edirik”. Trend.az saytına müsahibəsində regional hava limanlarının fəaliyyətinə toxunan Heydər Əliyev Beynəlxalq Aeroportunun direktoru Teymur Həsənov onlar üçün cəlbedici şərtlərin hazırlandığını və istismarçılara sərfəli təkliflərin təqdim edildiyini bildirib.  “Regional hava limanlarımızın xarici aviaşirkətlər üçün baza hava limanına çevrilməsi istiqamətində fəal işləyirik və bu məqsədlə “Wizz Air”, “Pegasus” və “Flynas” kimi aviaşirkətlər ilə danışıqlar aparılır”.

Teymur Həsənov həmçinin əlavə edib ki, bu hava limanlarında xarici aviaşirkətlərin bazalaşması real perspektivdir. Burada, bir qayda olaraq, aviaşirkət orta hesabla 5 təyyarə yerləşdirə bilər.