Xırdalanda avtomobil vuran iki məktəblidən XƏBƏR VAR

Təhsil Nazirliyi Abşeronda iki məktəblini maşın vurması ilə bağlı açıqlama yayıb. 

Avtosfer.az-ın məlumatına görə, bununla bağlı Təhsil Nazirliyinin İctimayyətlə Əlaqələr şöbəsinin müdiri Cəsarət Valehov danışıb.

Onun sözlərinə görə Xırdalan şəhər 1 nömrəli tam orta məktəbin 8-ci sinif şagirdləri Alsu Səbzəliyeva və Fidan Orucovanı məktəbə gedərkən minik avtomobili vurub.

"Şagirdlərin hər ikisi ağır bədən xəsarəti ilə 1 saylı Kliniki Tibbi Mərkəzə çatdırılıblar.Hazırda isə müalicələrini Bakı City Hospitalda davam etdirirlər. Təhsil Nazirliyinin rəhbərliyinin tapşırığı ilə şagirdlərimizə xəstəxanada baş çəkdik, keçmiş olsun dedik."

Gültən Qədirli