Yarışan avtobuslar toqquşdu: Yaralılar var - FOTOLAR

Bir neçə dəqiqə öncə Nərimanov rayonunda iki marşrut avtobusu toqquşub. Avtosfer.az-ın “qafqazinfo”ya istinadən verdiyi xəbərə görə, “Mont İnn” otelinin qarşısında 14 saylı xətt avtobusları toqquşub. Şahidlərin verdiyi məlumata görə, hər iki marşrut avtobusu bir-birini ötmək üçün yarışırmış. Nəticədə idarəetməni itirən avtobuslar qəza törədib. Bu zaman sol zolaqdan hərəkət edən Mercedes markalı avtomobil də digər sərnişin avtobusuna çırpılıb. Qəza nəticəsində bir neçə nəfər xəsarət alıb, yaralılar təcili yardım maşını ilə xəstəxanaya aparılıb.