Yaxşı iş görmək istədilər, daha da pis alındı – FOTO

Ötən ilin mayında Masazırdakı duzlu gölün ətrafındakı yolda təmir başladı. Sürücülər düşündülər ki, sonunda bu yolda rahat hərəkət etmək olacaq. Günorta vaxtı bu yolda hərəkət, doğrudan da rahatdır, ancaq gecələr tamam başqa olur. Yolu genişləndiriblər. Rahat yolda avtomobillər sürətlə hərəkət edir. Elə buna görə də gecələr bu yola çıxmaq zülmdür. İnsanı axşamlar vahiməyə salır bu yol. Avtosfer.az day.az-na istinadən bildirir ki, yolda işıqlandırma sistemləri quraşdırılmayıb. Bu səbəbdən də axşam vaxtları tez-tez qəzalar baş verir. Yolda işıqlandırma sistemini quraşdırmağı unutsalar da, sürücülər üçün tələ hesab olunan radar qoymaq yaddan çıxmayıb. 

Məlum olduğu kimi, işıqlandırma sistemi yolun rahatlığı və təhlükəsizliyi üçün əsas faktorlardan biridir. Görəsən, nəyə görə bunu unudublar?