Bakıda məlumatlandırıcı lövhə avtobus yoluna aşdı - VİDEO

Güclü külək səbəbindən paytaxtın mərkəzində yerləşən məlumatverici lövhə aşıb.

Avtosfer.az "Bizim.Media"ya istinadən xəbər verir ki, hadisə Səməd Vurğun küçəsi 53 ünvanında baş verib.

Yol kənarında hündürlükdə yerləşən lövhə yolda hərəkət edən 61 saylı avtobusun kənarına aşıb. Aşmış lövhə avtomobil yolunda nəqliyyat vasitələrinin hərəkətinə maneə yaradıb.

Hərəkət müvəqqəti dayanıb və avtobusun yan hissəsinə ilişib qalan lövhə yaxınlıqda olan şəxslərin köməyilə götürülüb.

Bundan sonra sərnişin avtobusu yoluna davam edib.

Xoşbəxtlikdən xəsarət alan olmayıb.