Kuryer motosikletlə məktəblini vurdu - ANBAAN VİDEO - YENİLƏNİB

Əldə etdiyimiz məlumata görə, hadisə noyabrın 13-də baş verib. Həmin vaxt Abşeron rayonu ərazisində A.Hüseynli idarə etdiyi motosikletlə yeniyetmə piyadanı vurub. Hadisə nəticəsində xəsarət alan yeniyetmə xəstəxanaya yerləşdirilib. Onun aldığı xəsarətlərin ağırlıq dərəcəsinin müəyyən edilməsi məqsədilə müvafiq ekspertizalar təyin olunub.

Motosiklet sürücüsünün əməlinə hüquqi qiymət verilməsi və qanunvericiliyə uyğun tədbirlərin görülməsi istiqamətində polis tərəfindən araşdırmalar davam etdirilir./qafqazinfo

***12:06

Ötən gün Abşeron rayonunun Masazır qəsəbəsində yerləşən "Qurtuluş 93" yaşayış kompleksində motosiklet məktəblini vurub.

Avtosfer.az baku.ws-ə istinadən xəbər verir ki, bu barədə video sosial şəbəkələrdə paylaşılıb.

Bildirilib ki, restoranda kuryer kimi çalışan şəxs idarə etdiyi motosikletlə binanın girişində məktəblini vurub.

Sözügedən videonu təqdim edirik: