Gəncədə qanunsuz tikintinin qarşısı alındı - FOTO

Gəncədə müvafiq icazəverici sənədləri olmadan tikinti aparan şəxslərə qarşı monitorinqlər davam edir.

Avtosfer.az xəbər verir ki, şəhərin Əmir Nəcib Gəncəvi küçəsində dövlət mülkiyyətinə məxsus torpaq üzərində qeyri-qanuni tikintisi aparılan yaşayış sahələri aşkarlanaraq qanunamüvafiq tədbir görülüb.

Qeyd edək ki, monitorinqlər Gəncə Şəhər İcra Hakimiyyəti yanında Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, FHN-nin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Əmlak Məsələlər Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələrinin iştirakı ilə aparılır. Aparılan monitorinqlər bundan sonra da mütəmadi olaraq davam etdiriləcək.