İrandan Azərbaycana gələn yük qatarında xeyli narkotik aşkar edilib

Astara Gömrük İdarəsinin əməkdaşları tərəfindən həyata keçirilən tədbirlər nəticəsində xüsusilə külli miqdarda narkotik vasitə aşkar edilib.

Avtosfer.az xəbər verir ki, bu barədə Dövlət Gömrük Komitəsinin (DGK) Mətbuat və İctimaiyyətlə Əlaqələr İdarəsindən bildirilib.

Məlumata görə, “Cənub Astara” gömrük postunda İran İslam Respublikasından Azərbaycan Respublikasına gələn yük qatarının platforma və vaqonlarına Dövlət Sərhəd Xidmətinin əməkdaşları ilə birlikdə gömrük yoxlaması tətbiq edilib.

Yoxlama zamanı vaqonlardan birində gömrük nəzarətindən gizlədilən 3 kq 860 qr narkotik vasitə - marixuana aşkar edilib.

Faktla bağlı araşdırma aparılır.