Qızılağacda qanunsuz ov edən şəxs saxlanıldı

Qızılağac Milli Parkının əməkdaşları tərəfindən keçirilən nəzarət tədbirləri zamanı milli parkın ərazisində qanunsuz ov edən şəxs saxlanılıb.

Avtosfer.az xəbər verir ki, bu haqda Bioloji Müxtəlifliyin Qorunması Xidməti məlumat yayıb.

Bildirilib ki, araşdırma zamanı ov edən şəxsin Masallı rayonu Qızılağac kənd sakini Kərim Quliyev olduğu məlum olub və ondan ov tüfəngi götürülüb.

Faktla bağlı qanun pozucusu barəsində protokol tərtib olunub və qanunamüvafiq tədbir görülüb.