Sumqayıtda güclü YANĞIN: Xəsarət alan var - YENİLƏNİB

Sumqayıtda yaşayış evi yanır, xəsarət alan var.

Avtosfer.az "Report"a istinadən xəbər verir ki, hadisə Sülh prospekti, "Əşya bazarı" adlanan yerdə qeydə alınıb.

Yanğının söndürülməsinə yanğından mühafizə bölmələri cəlb edilib.

İlkin məlumata görə, hadisə zamanı yanğınsöndürən Bəxtiyar Ağayev adlı şəxs xəsarət alıb.

***

Sosial şəbəkələrdə Sumqayıt şəhəri ərazisində yanğın baş verməsi ilə bağlı məlumat yayılıb.

Məsələ ilə bağlı Fövqəladə Hallar Nazirliyindən (FHN) bildirilib ki, nazirliyin "112" qaynar telefon xəttinə Sumqayıt şəhəri, Sülh küçəsində fərdi yaşayış evində yanğın baş verməsi barədə məlumat daxil olub.

Dərhal əraziyə FHN-in Dövlət Yanğından Mühafizə Xidmətinin Sumqayıt şəhər Yanğından Mühafizə İdarəsinin qüvvələri cəlb edilib.

Vurğulanıb ki, hazırda yanğınla mübarizə tədbirləri davam etdirilir.

Əlavə məlumat veriləcək.

(oxu.az)