Tanınmış aktyor VƏFAT ETDİ - FOTO

Rusiyanın tanınmış aktyoru və klounu Sergey Maksimov 81 yaşında vəfat edib.

Avtosfer.az xəbər verir ki, sənətçi avqustun 29-da səhər saatlarında dünyasını dəyişib.

Onun vəfat etdiyini həyat yoldaşı təsdiqləyib.

Sergey Maksimov ictimaiyyətə daha çox “Maks Maksimov” səhnə adı ilə tanınırdı. O, “Ayın qaranlıq tərəfi” serialında və “Brilyant ovçuları” filmindəki rolları ilə geniş auditoriyanın yaddaşında qalıb.

1946-cı il avqustun 5-də Moskvada anadan olan Maksimov Rusiya Teatr Sənətləri İnstitutunda (GİTİS) rejissorluq üzrə təhsil alıb.

Sənətçi uzun illər ərzində Soyuzqosirkdə çalışıb. Onun yaradıcılıq fəaliyyəti yalnız aktyorluqla məhdudlaşmayıb. Maksimov kloun və akrobat kimi də səhnəyə çıxıb.

O, müxtəlif illərdə “Üçüncü Dünya”, “Delfin” və digər ekran əsərlərində rol alıb.

Sergey Maksimovun vəfatı Rusiya səhnə və kino ictimaiyyətində kədər hissi ilə qarşılanıb/nocomment.az