Yanacaqoldurma məntəqəsində telefonla danışan xanım sürücünün başına iş gəldi – Siz də diqqətli olun - VİDEO

Bəzi ölkələrdə yanacaqdoldurma məntəqələrində (YDM) operator xidməti olmadığından sürücülər avtomobillərinə yanacağı özləri doldururlar. Bu sistem geniş tətbiq olunsa da, təhlükəsizlik qaydalarına əməl edilmədikdə riskli vəziyyətlər yarana bilir.

Avtosfer.az xəbər verir ki, yayılan görüntülərdə bir xanım sürücünün yanacaq doldurduğu zaman mobil telefonla danışdığı əks olunub. Kadrlardan da göründüyü kimi, sürücü prosesi tam nəzarətdə saxlamaq əvəzinə diqqətini telefona yönəldib. Mütəxəssislər bildirirlər ki, məhz belə diqqətsizlik yanacaq doldurulan zaman təhlükəni artıran əsas amillərdəndir.

Qeyd olunur ki, yanacaq doldurularkən ətraf mühitdə yanıcı buxar toplanır. Bu zaman tapançanın düzgün yerləşdirilməməsi, daşma riski və ya ani texniki nasazlıq hallarında sürücünün dərhal reaksiya verməsi vacibdir. Diqqətin yayınması isə bu reaksiyanı gecikdirə və nəticədə həm yanacaq tapançasının, həm də avtomobilin yanmasına səbəb ola bilər.

Təhlükəsizlik qaydalarına əsasən, YDM ərazisində mobil telefondan istifadə tövsiyə edilmir. Sürücülər yanacaq doldurarkən mühərriki söndürməli, telefon danışığını dayandırmalı və prosesi diqqətlə izləməlidirlər.

Ekspertlər hesab edirlər ki, özünəxidmət sistemi rahatlıq yaratsa da, məsuliyyətsiz və diqqətsiz davranış ciddi fəsadlara gətirib çıxara bilər. Sürücülərə yanacaqdoldurma zamanı maksimum diqqətli olmaq tövsiyə olunur.

Eltac