Yaponsayağı parkinq: arılar da nəzərə alınır - FOTO

Yaponiya şəhərləri dünyada parklamanın ən baha olduğu yerlərdəndir. Ölkədə avtomobil çox olsa da, hər yeri parklama yerinə, qaraja çevirmək çoxlarının ağlına gəlmir. Lakin parklama yerindən də səmərəli istifadə edilir. 

Avtosfer.az xəbər verir ki, son illərdə parkinqə çevrilən ərazilərdə bitki örtüyünün qeydinə qalınır. Hardasa yerüstü parkinq salınırsa tikilinin üstünə beton tökülür. Ardınca, betonun üzərinə torpaq qatı əlavə edilir, müasir suvarma sistemləri quraşdırılır və çiçəkli bitkilər əkilir.

Bununla, uzaqgörən yaponlar eyni anda bir neçə məqsədə nail olurlar: yerdən səmərəli istifadə edilir, gözəl estetik görünüş yaranır, avtomobillər xarici təsirlərdən qorunur, səs azalır, nəhayət çiçəkli bitkilər arılar üçün yem mənbəyi olur.

Prinsip etibarı ilə belə bir sistem qurmaq çox da çətin deyil.

Vüqar Yaşaroğlu