"Azərpoçt" yeni avtomobillər alacaq

Rəqəmsal İnkişaf və Nəqliyyat Nazirliyinə məxsus "Azərpoçt" MMC yeni yük avtomobilləri alacaq.
 
Avtosfer.az BAKU.WS-ə istinadən xəbər verir ki, van tipli furqonların satın alınması üçün müsabiqə elan edilib.

Satınalma üzrə 3 ədəd avtomobilin alınması nəzərdə tutulub və müsabiqənin ehtimal olunan qiyməti 248.685 AZN-dir.

Yeni van tipli furqonlar "Azərpoçt"a yük daşımalarını sürətləndirmək, çatdırılma prosesini rahatlaşdırmaq və xidmət keyfiyyətini artırmaq imkanı verəcək. Bu avtomobillər sayəsində poçt göndərişləri daha operativ çatdırılacaq və gündəlik poçt əməliyyatları daha səmərəli həyata keçiriləcək.