“Qısqanclıq” davası qanlı bitdi: 15 yaşlı qız bıçaqlandı

Türkiyənin Konya şəhərində iki yeniyetmə arasında qısqanclıq səbəbindən başlayan mübahisə bıçaqlanma ilə nəticələnib.

Avtosfer.az HaberGlobal-a istinadla xəbər verir ki, hadisə Selçuklu rayonunun Binkonutlar məhəlləsində baş verib. Məlumata görə, 15 yaşlı H.E.K. ilə 16 yaşlı A.H. arasında əvvəlcədən qısqanclıq səbəbilə yaranmış ədavət mübahisəyə çevrilib. Mübahisə zamanı 15 yaşlı qız qolundan bıçaqlanaraq yaralanıb.

Əraziyə polis və tibbi yardım əməkdaşları cəlb olunub. Yaralı xəstəxanaya çatdırılıb və onun həyatına təhlükə olmadığı bildirilib.

Hadisənin şübhəlisi olan 16 yaşlı yeniyetmə ifadəsi alınmaq üçün polis bölməsinə aparılıb. Faktla bağlı araşdırma davam edir.

Nigar