Yol polisi hava şəraiti ilə bağlı sürücülərə müraciət edib

BDYPİ sentyabrın 21-də ölkənin bəzi dağlıq və dağətəyi rayonlarında gözlənilən qeyri-sabit hava şəraiti ilə əlaqədar sürücülərə müraciət edib.

Avtosfer.az xəbər verir ki, həmin ərazilərdə leysan xarakterli yağış, şimşək, dolu, gecə və səhər saatlarında isə duman gözlənilir.

Qeyd olunub ki, yağıntı zamanı yolların sürüşkənləşməsi və görünüş məsafəsinin azalması hərəkət təhlükəsizliyinə təsir göstərə bilər.

Sürücülərə sürəti hava və yol şəraitinə uyğun seçmək, ara məsafəsini artırmaq, kəskin manevrlərdən və ani tormozlamadan çəkinmək, həmçinin avtomobilin, xüsusilə şinlərin və şüşəsilənlərin texniki vəziyyətini yoxlamaq tövsiyə edilib.