17 yaşında sürücülük vəsiqəsi almaq olar – QANUN NƏ DEYİR? – VİDEO

Azərbaycanda 17 yaşlı şəxslərin sürücülük vəsiqəsi ala bilməsi ilə bağlı suallar yaranıb. Son günlər bu məsələ ilə bağlı müzakirələrin artması vətəndaşlar arasında qanunvericiliyin dəyişdirildiyi barədə yanlış təsəvvür formalaşdıra bilər.

Avtosfer.az xəbər verir ki, nəqliyyat eksperti Rauf Ağamirzəyev məsələ ilə bağlı açıqlama verib.

Ekspert bildirib ki, son günlər çoxsaylı vətəndaş ona müraciət edərək 17 yaşında sürücülük vəsiqəsi almağın mümkün olub-olmadığını soruşub. Onun sözlərinə görə, bu məsələdə qanunvericilikdə hər hansı dəyişiklik yoxdur və sürücülük vəsiqəsi almaq üçün şəxsin 18 yaşı tamam olmalıdır.

Rauf Ağamirzəyev sürücülük vəsiqəsinin əldə edilməsi ilə bağlı yayılan məlumatlara diqqətlə yanaşmağı və yalnız rəsmi məlumatlara əsaslanmağı tövsiyə edib.

Qeyd edək ki, sürücülük hüququnun əldə edilməsi üçün yaş həddi nəqliyyat vasitəsinin kateqoriyasından asılı olaraq dəyişə bilər. Ekspertin açıqlaması minik avtomobillərini idarə etmək üçün tələb olunan yaş həddinə aiddir.

Eltac Zülfüqaroğlu