Avtomobilin ön şüşəsinə gerb yapışdırmaq cərimədir? – AÇIQLAMA - VİDEO

Avtomobilin ön şüşəsinə Azərbaycan gerbinin əks olunduğu stikerin yapışdırılması sürücünün cərimələnməsinə səbəb ola bilərmi?

Məsələ ilə bağlı nəqliyyat eksperti Rüfət Əmiraslanov açıqlama verib.

Avtosfer.az xəbər verir ki, ekspert avtomobilin ön şüşəsinə hər hansı stikerin, o cümlədən dövlət gerbinin əks olunduğu nişanın yapışdırılmasının öz-özlüyündə Azərbaycanda qayda pozuntusu hesab edilmədiyini bildirib.

Onun sözlərinə görə, əsas məsələ həmin stikerin sürücünün görmə sahəsini məhdudlaşdırıb-məhdudlaşdırmamasıdır.

“Avtomobilin ön şüşəsinə hansısa bir stikerin, o cümlədən gerbin yapışdırılması qayda pozuntusu deyil. O halda qayda pozuntusu ola bilər ki, bu, sürücünün görüntüsünü məhdudlaşdırsın. Yəni sürücü tərəfdə, aşağı hissədə yapışdırılan gerbin özü qanun pozuntusu deyil”, – deyə Rüfət Əmiraslanov qeyd edib.

Eltac Zülfüqaroğlu