Avtomobillə uzun yola çıxanların nəzərinə; bunu etsəz, maşının yağ dövriyyəsi azalacaq – XƏBƏRDARLIQ

Mütəxəssislər sürücülərə xəbərdarlıq edirlər ki, uzun məsafədən və ya yüksək sürətlə hərəkətdən sonra avtomobili dərhal söndürmək mühərrik üçün böyük təhlükə yaradır. 

Avtosfer.az xəbər verir ki, mühərrik və onun komponentləri həddindən artıq qızır, amma alov birdən sönəndə soyuducu mayelərin və mühərrik yağının dövranı dayanır. Bu halda mühərrikin kritik hissələri, xüsusilə də turbomühərrik, soyumasız və yağlanmasız qalaraq zədələnir.

Bildirilir ki, əvvəllər yalnız idman avtomobillərində istifadə olunan turbomühərriklər indi demək olar bütün modellərdə mövcuddur. Bu isə riskin daha da böyüməsi deməkdir. Çünki turbo yüksək sürətlə işlədiyi üçün həddindən artıq qızır və qəfil söndürülməsi onun ömrünü əhəmiyyətli dərəcədə azaldır.

Problemin qarşısını almağın yolu isə sadədir. Avtomobil saxlanıldıqdan sonra mühərriki dərhal söndürmək əvəzinə, 1–2 dəqiqə boş rejimdə işlək vəziyyətdə saxlamaq məsləhət görülür. Bu müddət ərzində mühərrikin ən isti hissələri təhlükəsiz şəkildə soyuyur və yağlanma davam edir.

Xüsusilə uzun magistral səfərlərdən, isti havada tıxacda qalmaqdan və yoxuşlarda hərəkətdən sonra bu qaydaya əməl etmək mühərrikin ömrünü uzadır. Qısa məsafələrdə isə buna ehtiyac yoxdur, çünki mühərrik kifayət qədər isinmir.

Mütəxəssislər sürücülərə xəbərdarlıq edirlər ki, bu sadə “2 dəqiqəlik qayda”ya əməl etməklə minlərlə manatlıq mühərrik təmiri xərclərindən xilas olmaq mümkündür.

Eltac Zülfüqaroğlu