Bakıda yanğınsöndürən maşınlara yol verilmədi – ANBAAN VİDEO

Bakıda yanğın təhlükəsi ilə bağlı çağırışa gedən yanğınsöndürmə maşınının hərəkəti çətinləşib. 

Avtosfer.az-ın məlumatına görə, hadisə paytaxtın mərkəzi küçələrindən birində baş verib. Məlumata görə, küçədə yaranan sıx tıxac səbəbindən yanğınsöndürmə maşını uzun müddət irəliləyə bilməyib.

Tıxacda olan digər sürücülərin əksəriyyəti yanğınsöndürmə maşınına yol verməyib. Bu isə yanğınsöndürmə briqadasının hadisə yerinə vaxtında çatmasına mane olub. Qeyd olunur ki, belə hallarda hər saniyə böyük önəm daşıyır və gecikmə yanğının daha da böyüməsinə, insanların həyatına və əmlakına ciddi təhlükə yaratmasına səbəb ola bilər.

Ekspertlər bildirirlər ki, yanğınsöndürmə və təcili tibbi yardım maşınlarına yol verməmək qanunla qadağandır. Qaydaları pozan sürücülər inzibati məsuliyyət daşıyırlar. Bununla yanaşı, mütəxəssislər sürücülərə müraciət edərək fövqəladə hallarda operativ xidmət maşınlarına dərhal yol verməyi tövsiyə edirlər.

Fövqəladə Hallar Nazirliyi dəfələrlə bu mövzuda sürücülərə xəbərdarlıq edib və bir daha xatırladıb ki, belə laqeyd davranış insan həyatına bədəl ola bilər.

Eltac Züıfüqaroğlu