Bir qəzanın iki səbəbi - Sürücülər bu qaydanı bilirmi? - VİDEO

Yolda hərəkət zamanı baş verən qəzaların əsas səbəblərindən biri də yol nişanlarının düzgün yerləşdirilməməsi və sürücülərin bu cür hallarda davranış qaydalarını bilməməsidir.

Avtosfer.az xəbər verir ki, bu fikirləri qəza əleyhinə kursların məşqçisi Aqil Rəhimov bildirib. 

Onun sözlərinə görə, konkret hadisə ilə bağlı ilk səbəb yol nişanının düzgün qoyulmamasıdır. “Orada zolaqlardan biri itib və həmin hissədə 5.8.5 – yəni "zolağın qurtarması" nişanı qoyulmalı idi. Bu nişan mövcud deyil. Amma buna baxmayaraq, əgər zolaq qurtarırsa, həmin zolaqla hərəkət edən sürücü sürətini azaltmalı və öz zolağı ilə davam edən avtomobilə yol verməlidir”, – deyə Aqil Rəhimov qeyd edib.

Məşqçi əlavə edib ki, zolağı bitən sürücü həm sürətini azaltmalı, həm də zolağında qalan sürücüyə manevr etmək və yol vermək öhdəliyini yerinə yetirməlidir.

Eltac Zülfüqaroğlu