Mərkəzi Parkın infrastrukturu necə dəyişdirilməlidir? - EKSPERT

Nyu-Yorkun “Central Parkı” və Bakının Mərkəzi Parkı arasında kı fərq təkcə parkın ölçüsü deyil.

Avtosfer.az xəbər verir ki, bu fikirləri öz sosial şəbəkə hesabında nəqliyyat eksperti Rauf Ağamirzəyev bildirib. O qeyd edib ki, Nyu-Yorkun “Central Parkı” 3,41 km² ərazini əhatə edir. Uzunluğu təxminən 4 km, eni 800 metrdir. Parkın daxili yollarının ümumi uzunluğu isə təxminən 9,7 km-dir. Parka doğru 50-dən çox işıqfor və çoxsaylı piyada keçidləri mövcuddur.

“Bakı Mərkəzi Parkında isə parkı əhatə edən 4 küçədə cəmi 9 işıqfor var. Əlbəttə, ölçülər və şəhər strukturu fərqlidir. Amma burada diqqət çəkən əsas məsələ piyadaların parka giriş-çıxışının və park daxilində hərəkətinin necə təşkil olunmasıdır.

Mərkəzi Parkın şəhər mühitinə inteqrasiyasını artırmaq üçün:

küçələrdə svetoforla tənzimlənən keçidlərin və “zebra”ların sayı artırılmalı;

parkın müxtəlif hissələrini birləşdirən fasiləsiz piyada əlaqələri yaradılmalı;

relyef nəzərə alınaraq sərt mailliklər mərhələli döngələrlə və daha yumşaq eniş-yoxuşlarla həll edilməlidir.

Çünki parkda əlçatanlıq yalnız pandus qoymaqdan ibarət deyil. İnsan girişdən təyinat nöqtəsinə qədər yorulmadan, təhlükəsiz və rahat hərəkət edə bilməlidir. Hazırkı relyef və məsafələr bəzi istiqamətlərdə hətta fiziki cəhətdən sağlam insan üçün hərəkəti yorucu edir. Bu isə yaşlılar, uşaqlar, uşaq arabası ilə hərəkət edənlər və hərəkət məhdudiyyətli şəxslər üçün daha böyük maneə yaradır. Mərkəzi Park şəhərin ortasında sadəcə yaşıllıq sahəsi deyil. O, piyada şəbəkəsinin bir hissəsidir və bu baxımdan əlçatanlıq ayrıca planlaşdırılmalıdır”.

Səfər